ବିଜେଡିକୁ କାଉଣ୍ଟର ପାଇଁ ଖୋଲିଲା ବିଜେପି କାର୍ଯ୍ୟାଳୟ

ଆସିକାରେ ଖୋଲିଲା ବିଜେପିର କାର୍ଯ୍ୟାଳୟ। ବିଜେପିକୁ ତୃଣମୂଳ ସ୍ତରରେ ସଂଗଠିତ କରିବା ପାଇଁ ଆଜି ବିଧିବଦ୍ଧ ଭାବେ କଳିଙ୍ଗ ରୋଡ଼ ପାର୍ଶ୍ୱରେ ଏକ କାର୍ଯ୍ୟାଳୟ ଉଦଘାଟନ କରାଯାଇଛି। ଆସିକାରେ ବିଜେଡିର ଏକ କାର୍ଯ୍ୟାଳୟ ଦୀର୍ଘଦିନ ଧରି ଥିବାବେଳେ ବିଜେପି ପକ୍ଷରୁ ଅଫିସ ହୋଇନଥିଲା। ଆଜି ବିଜେପିର ବହୁ ଆଗଧାଡିର ନେତୃତ୍ୱ ଉପସ୍ଥିତ ରହି କାର୍ଯ୍ୟାଳୟକୁ ଉଦଘାଟନ କରିଛନ୍ତି। ବିଜେଡି ଆସ୍କାରେ ଭଲ ସ୍ଥିତିରେ ଥିବା ବେଳେ ବିଜେଡିକୁ କାଉଣ୍ଟର କରିବା ପାଇଁ ଏହି ଅଫିସ ଖୋଲାଯାଇଥିବା କହିଛନ୍ତି ଉପସ୍ଥିତ ବିଜେପି ନେତା। ବିଜେଡିର ଗଡ଼କୁ ବାଜିମାତ କରିବାକୁ ହେଲେ ତୃଣମୂଳ ସ୍ତରରୁ ସୁସଂଗଠିତ ହୋଇ କାମ କରିବା ପାଇଁ ଆହ୍ୱାନ ଦେଇଛନ୍ତି ବରିଷ୍ଠ ବିଜେପି ନେତା ଗୋକୁଳାନନ୍ଦ ମଳିକ।ଆସିକା ବିଜେଡିର ମନମୁଖୀ ଶାସନ ସାଙ୍ଗକୁ ଫଲସ ବିଲ,ଦୁର୍ନୀତି ଓ ଭ୍ରଷ୍ଟାଚାର ନୀତିକୁ ନେଇ ବାର୍ଷିଥିଲେ ବିଜେପି ନେତା ଗୋକୁଳାନନ୍ଦ ମଳିକ.ଲୋକଙ୍କୁ ଭୁଆଁ ବୁଲାଇ ହଇରାଣ କରୁଥିବା ବିଜେଡି ସରକାରକୁ ଗାଦିଚ୍ୟୁତ କରିବା ପାଇଁ ଲୋକଙ୍କ ପାଖରେ ପହଂଚି ସତ୍ୟାସତ୍ୟ ଉପସ୍ଥାପନ କରିବାକୁ ପଡିବ ବୋଲି କହିଛନ୍ତି ବରିଷ୍ଠ ବିଜେପି ନେତା ମହେଶ ମହାନ୍ତି।ପୂର୍ବତନ ଆସିକା ବିଧାୟକ ଦେବରାଜ ମହାନ୍ତି, ନାରାୟଣ ବେହେରା,ଅରୁଣ ପଣ୍ଡା, ରଞ୍ଜନ ପୋଲାଈ, ନୀଳମଣି ବିଶୋଇ,ରବୀନ୍ଦ୍ର ପୋଲେଇ ଯୁବନେତା ସରୋଜ ଭଞ୍ଜ ସମେତ ବହୁ ବିଜେପି ନେତା ଉପସ୍ଥିତ ଥିଲେ।