ଗିରଫ ଅଭିଯୁକ୍ତ ଙ୍କ ବିରୁଦ୍ଧରେ କୋଟିନାଡ଼ା ଥାନା ପକ୍ଷରୁ କେସ ନମ୍ବର ୧୬୮/୨୩ ଧାରା ୩ ଓ ପି ଜି ପ୍ରକାରେ ମାମଲା ରୁଜୁ

ଆସିକା ୨୪/୦୬ ନିପ୍ର ଆସିକା କୋଟିନାଡ଼ା ଥାନା ପକ୍ଷରୁ ପେଟ୍ରୋଲିଙ୍ଗ ଚାଲିଥିଲା ବେଳେ ସନ୍ଧ୍ୟା ୪.୩୦ ସମୟରେ ଭେଟନଇ ତୋଟା ନିକଟରେ ଜୁଆ ଖେଳ ଚାଲିଥିବା ଖବର ପାଇ ପୋଲିସ ଅତର୍କିତ ଚଢ଼ାଉ କରିଥିଲା l ଚଢ଼ାଉ ବେଳେ ଘଟଣା ସ୍ଥଳରୁ ଆସିକା ବିନାୟକ ବଜାର ର ବିଜୟ କୁମାର ପାତ୍ର ଙ୍କ ପୁଅ ପ୍ରକାଶ ପାତ୍ର ବୟସ ୩୮, ଆସିକା ପୁଡୁଗେଶ୍ୱର ପଲ୍ଲୀ ର ମୋଚିରାମ ମହାନ୍ତି ଙ୍କ ପୁଅ ଗିରିଜା ଶଙ୍କର ମହାନ୍ତି ବୟସ 35,ପଢାଳ ଗ୍ରାମର ସିମାଞ୍ଚଳ ବେହେରା ଙ୍କ ପୁଅ ଯୋଗୀ ବେହେରା ବୟସ ୩୦, ବାବନପୁର ଗ୍ରାମର ସ୍ବର୍ଗତ ବିଶ୍ୱନାଥ ମହାପାତ୍ର ଙ୍କ ପୁଅ ସଂଜୀବ କୁମାର ମହାପାତ୍ର ବୟସ ୪୫, ସାନଖୋଲି ଗ୍ରାମର ଶତ୍ରୁଘ୍ନ ସ୍ୱାଇଁ ଙ୍କ ପୁଅ ସୋମନାଥ ସ୍ବାଇଁ ବୟସ ୪୮, ଆସିକା କର୍ପୁର ନୂଆଗାଁ ହରିହର ସାହୁ ଙ୍କ ପୁଅ ପ୍ରହଲ୍ଲାଦ କୁମାର ସାହୁ ବୟସ ୩୨କୁ ଘଟଣା ସ୍ଥଳରୁ ପୋଲିସ ଗିରଫ କରି ସେମାନଙ୍କ ଠାରୁ ନଗଦ ୨୧,୬୩୦.00 ଟଙ୍କା ଜବତ କରିବା ସହ ୫୨ଗୋଟି ତାସ କାର୍ଡ ଜବତ କରିଛି l ଗିରଫ ଅଭିଯୁକ୍ତ ଙ୍କ ବିରୁଦ୍ଧରେ କୋଟିନାଡ଼ା ଥାନା ପକ୍ଷରୁ କେସ ନମ୍ବର ୧୬୮/୨୩ ଧାରା ୩ ଓ ପି ଜି ପ୍ରକାରେ ମାମଲା ରୁଜୁ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ କୃଷ୍ଣ ସାହା ସୂଚନା ପ୍ରଦାନ କରିଛନ୍ତି l କିଛି ଦିନର ନୀରବତା ପରେ ପୁଣି ଜୁଆଡ଼ି ମାନେ ସକ୍ରିୟ ହୋଇଥିବା ଯୋଗୁଁ ତୁରନ୍ତ ଏହିପରି ଧରପଗଡ଼ କରିବାକୁ ସ୍ଥାନୀୟ ଅଞ୍ଚଳରେ ଦାବି ହେଉଛି l