ଜମିବାଡ଼ିକୁ କେନ୍ଦ୍ରକରି ମାଡ଼ପିଟ : ବଡବାପାର କଟୁରୀ ଚୋଟରେ ପୁତୁରା -ଝିଆରୀ ଆହତ | ଉଭୟ ପକ୍ଷରୁ ଥାନାରେ ଏତଲା |

 ଜିଲ୍ଲା 11/୬ (ଇମିସ): ଜମିବାଡ଼ିକୁ କେନ୍ଦ୍ରକରି ଗୋଟିଏ ପରିବାରରେ ମାଡପିଟ ହୋଇଥିବା ଜଣାଯାଇଛି |ଏପରିକି ବଡବାପାର କଟୁରୀ ଚୋଟରେ ଝିଆରୀ -ପୁତୁରା ଗୁରୁତର ଆହତ ହୋଇଥିବା ଜଣାଯାଇଛି |ଗୁରୁତର ଆହତ ହୋଇଥିବା ମହିଳା ହେଲେ ଜଙ୍କିଆଥାନା ଅଧିନସ୍ଥ ଓରବର ସିଂ ପଞ୍ଚାୟତ ତେନ୍ତୁଳିମୂଳ ଗ୍ରାମର ଲକ୍ଷ୍ମୀପ୍ରିୟା ରାଉତରାୟ(୨୮)ଓ ତାଙ୍କ ସାନ ଭାଇ ଜିତେନ୍ଦ୍ର ହରିଚନ୍ଦନ (୨୭ )ବୋଲି ଜଣାପଡିଛି |ଲକ୍ଷ୍ମୀପ୍ରିୟାଙ୍କ ଅଭିଯୋଗ ଅନୁଯାୟୀ ଦୀର୍ଘଦିନଧରି ଜମି ବାଡ଼ି ବଣ୍ଟନକୁ ନେଇ ଉଭୟ ପରିବାରରେ ଶତ୍ରୁତା ଲାଗିରହିଥିଲା |ଏବଂ ସମସ୍ୟାଥିବା ଜମିବାଡ଼ିରେ ଉଭୟଙ୍କ ପକ୍ଷରୁ ମଧ୍ୟ ମାନ୍ୟବର କୋର୍ଟରେ ୧୪୪ଧାରା ମଧ୍ୟ ରୁଜୁ ହୋଇଥିଲା  | ଏହା ସତେ  ବଡବାପା ବିଶ୍ୱମ୍ବର ହରିଚନ୍ଦନ ମନ ଇଚ୍ଛା ଉକ୍ତ ସମସ୍ୟାଥିବା ପ୍ଲଟରେ ଘର ନିର୍ମାଣ ଆରମ୍ଭ କରୁଥିଲେ |ଆମେ ବିରୋଧ କରିବାରୁ ବଡବାପା ବିଶ୍ୱମ୍ବର, ତାଙ୍କ ପୁଅ ରତିକାନ୍ତ ଓ ସ୍ତ୍ରୀ ସେରନ୍ତି ହଠାତ ରାଗିଯାଇ ଅସଭ୍ୟ ଭାଷାରେ ଗାଳିଗୁଲଜ କରିଥିଲେ |ମୁଁ ବାରଣ କରିବାରୁ  ମୋତେ ତଳେ ପକାଇ ମାଡ ମାରିବା ସହ ଏକ କଟୁରିରେ  ଆକ୍ରମଣ କରିଥିଲେ | ମୋର ସାନଭାଇ ଜିତେନ୍ଦ୍ର ପ୍ରତିରୋଧ କରିବାରେ ସେମାନେ ତାକୁମଧ୍ୟ ଆକ୍ରମଣ କରିଥିଲେ | କଟୁରୀ ଚୋଟରେ ଆମେ ଭାଇ ଭଉଣୀକୁ  ହାଣିପକାଇଥିବା ନେଇ ଲକ୍ଷ୍ମୀପ୍ରିୟା ଥାନାରେ ଅଭିଯୋଗ କରିଛନ୍ତି |ଅନୁରୂପ ଭାବେ  ଠେଙ୍ଗାରେ ଭାଇଭଉଣୀ ମିଶି ଆମକୁ ଆକ୍ରମଣ କରିଥିବା ନେଇ ସେରନ୍ତି ମଧ୍ୟ  ଥାନାରେ ପାଲଟା  ଅଭିଯୋଗ କରିଥିବା ମଧ୍ୟ ଜଣାଯାଇଛି |ଏନେଇ ଉଭୟ ପକ୍ଷରୁ  ୨ଟି ମାମଲା ଥାନାରେ ରୁଜୁ ହୋଇଥିବାବେଳେ ତଦନ୍ତ ଚାଲୁରହିଥିବା  ଜଙ୍କିଆ ଥାନା ଅଧିକାରିଣୀ  ପ୍ରଜ୍ଞାୠତୁମ୍ଭରା କର  ସୂଚନା  ଦେଇଛନ୍ତି | ଏପରିକି  ଉଭୟ  ଆହତ ପରିବାରକୁ  ଚିକିତ୍ସା ନିମନ୍ତେ ମେଡିକାଲକୁ ପଠା ଯାଇଥିଲା |ଉଭୟ  ସୁସ୍ଥଥିବା  ସୂଚନା  ଦେଇଛନ୍ତି |