ବ୍ଲକ କଳା ସଂସ୍କୃତି ସଙ୍ଘର ଅଧିବେଶନ
..................................
ଧରାକୋଟ,26/7/23(ମନୋଜ କୁମାର ସାହୁ)
ଧରାକୋଟ ବ୍ଲକ କଳା ଓ ସଂସ୍କୃତି ସଙ୍ଘର 34 ତମ ଅଧିବେଶନ ବି ଡି ଓ ତଥା ସଭାପତି ଡେନିସ ବେହେରାଙ୍କ ସଭାପତିତ୍ବରେ ବ୍ଲକ ବୈଠକ ଗୃହରେ ଅନୁଷ୍ଠିତ ହୋଇଯାଇଛି। ଏଥିରେ ଉପସଭାପତି ସୁରେନ୍ଦ୍ର ନାଥ ଦାସଶର୍ମା ଙ୍କ ସହ ବ୍ଲକ ଅନ୍ତର୍ଗତ 13 ଗୋଟି କଳା ଓ ସଂସ୍କୃତି ସଙ୍ଘର ପଦାଧିକାରୀ ଏବଂ ସଦସ୍ୟ ମାନେ ଉପସ୍ଥିତ ରହିଥିଲେ। ଏହି ଅବସରରେ କୋଭିଡ ପର ଠାରୁ ବନ୍ଦ ରହିଥିବା ସାଂସ୍କୃତିକ ଦଳ ଓ ଏହାର ସଦସ୍ୟ ମାନଙ୍କର ନବୀକରଣ କରାଯାଇଥିଲା। ଜିଲ୍ଲାପାଳ ଙ୍କ ନିର୍ଦ୍ଦେଶ କ୍ରମେ କୋଭିଡ ପରଠାରୁ ବନ୍ଦ ରହିଥିବା ସରକାରଙ୍କ ବିଭିନ୍ନ ଉନ୍ନୟନ ମୂଳକ ଯୋଜନାର ପୁନଃ ପ୍ରଚାର ଓ ପ୍ରସାର କରି ସାଧାରଣ ଜନତା ଙ୍କ ମଧ୍ୟରେ ସଚେତନତା ସୃଷ୍ଟି କରିବା ପାଇଁ ଏଥିରେ ନିଷ୍ପତି ନିଆଯାଇଥିଲା। ବ୍ଲକର 13 ଗୋଟି କଳା ଓ ସଂସ୍କୃତି ଦଳ ମଧ୍ୟରେ ଦାଶ କାଠି, ଗାହାଣି,ଭାରତ ଲୀଳା କୃଷ୍ଣ ଲୀଳା ଓ ଘଣ୍ଟ ମୃଦଙ୍ଗ ଅନ୍ତର୍ଭୁକ୍ତ ରହିଛି । ଏହି ସାଂସ୍କୃତିକ ଦଳର ଟ୍ରୁପ ଲିଡର ଓ ସହାୟକ କଳାକାର ମାନଙ୍କ ଦ୍ଵାରା ଦୈନିକ ତିନୋଟି କାର୍ଯ୍ୟକ୍ରମ ପରିବେଷଣ କରିବା ପାଇଁ ନିଷ୍ପତି ଗ୍ରହଣ କରାଯାଇଥିଲା। ସରକାରଙ୍କ ଯୋଜନା ମଧ୍ୟରେ ଆବାସ,ମୋ ଘର,ମୋ କୁଡିଆ,ମୋ ବଗିଚା,ପାଣି ପଞ୍ଚାୟତ,ଜନନୀ ସୁରକ୍ଷା, ବିଜୁ କନ୍ୟାରତ୍ନ ଯୋଜନା, ସହଭାଗିତା, ଗେହ୍ଲା ଝିଅ, ନିର୍ଭୟା କଢ଼ି ସହ ବିଭିନ୍ନ ବିଭାଗର କାର୍ଯ୍ୟକ୍ରମ କୁ ପରିବେଷଣ କରି ସଚେତନତା ସୃଷ୍ଟି କରିବା ପାଇଁ ନିଷ୍ପତି ନିଆଯାଇଥିଲା।
