ପୁରୁଷୋତ୍ତମପୁର ବ୍ଲକ ର ବରିଷ୍ଠ ନାଗରିକଙ୍କ ତୀର୍ଥଯାତ୍ରା ପରିଭ୍ରମଣ
ପୁରୁଷୋତ୍ତମପୁର ବ୍ଳକରେ ରାଜ୍ୟ ସରକାରଙ୍କ ପକ୍ଷରୁ ବରିଷ୍ଠ ନାଗରିକଙ୍କ ଧର୍ମୀୟ ଭାବାବେଗ ପ୍ରତି ସମ୍ମାନ ପ୍ରଦର୍ଶନ ପୂର୍ବକ କାର୍ଯ୍ୟକାରୀ କରାଯାଇଥିବା ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନା ଆଜି ଶୁଭାରମ୍ଭ ହୋଇଛି । ପୁରୁଷୋତ୍ତମପୁର ବ୍ଲକର 23 ଜଣ ବରିଷ୍ଠ ନାଗରିକ ଏହି ତୀର୍ଥଯାତ୍ରାରେ ବ୍ଲକ୍ କାର୍ଯ୍ୟାଳୟରୁବସ ଯୋଗେ ଯାତ୍ରାରମ୍ଭ କରିଛନ୍ତି । ପବିତ୍ର କାର୍ତ୍ତିକ ମାସ ଅବସରରେ ବରିଷ୍ଠ ନାଗରିକମାନେ କେରଳ ରାଜ୍ୟର କନ୍ୟାକୁମାରୀ ଓ ତ୍ରିଭେନ୍ଦ୍ରମ୍ ଯାତ୍ରା କରିବେ । ସେଠାରେ ଥିବା ବିଭିନ୍ନ ଧର୍ମାନୁଷ୍ଟାନ ମନ୍ଦିର, ମଠ ପରିଦର୍ଶନ ସହ ପୂଜାର୍ଚ୍ଚନା କରିବେ । ଆଜି ବ୍ଲକ୍ ଅଫିସ୍ରୁ ତୀର୍ଥଯାତ୍ରାକୁ ଅଧ୍ୟକ୍ଷା ପିଙ୍କି ବେହେରା, ବିଡ଼ିଓ ମନୋଜ କୁମାର ନାୟକ ଙ୍କ ସହ, ଅତିରିକ୍ତ ବିଡ଼ିଓ ତଥା ଗଞ୍ଜାମ ଜିଲ୍ଲା ର ତୀର୍ଥଯାତ୍ରା ନୋଡାଲ ଅଫିସର ଭାବେ ଥିବା ନିରାକାର ଜେନା ଜିପିଓ ଦାୟିତ୍ୱରେ ଥିବା କାହ୍ନୁ ଚରଣ ସୋରେନ ସମାଜ ସେବୀ ଜଗତ ବନ୍ଧୁ ପଣ୍ଡା, ସରପଞ୍ଚ ସଙ୍ଘ ସଭାପତି ସୁଧାକର ଗୌଡ଼ ଙ୍କ ସହ ବହୁ ସରପଞ୍ଚ, ସମିତି ସଭ୍ୟ, ସଭ୍ୟା ମାନେ ଉପସ୍ଥିତ ରହି ଥିଲେ | ପଞ୍ଚାୟତ ପ୍ରତିନିଧିମାନେ ପୁଷ୍ପଗୁଚ୍ଛ ଦେଇ ବରିଷ୍ଠ ତୀର୍ଥଯାତ୍ରୀଙ୍କୁ ଶୁଭକାମନା ଜଣାଇଥିଲେ।ଏବଂ ସେମାନେ ତୀର୍ଥ ଯାତ୍ରାଦର୍ଶନ କରି ଭଲରେ ଘରେ ପହଞ୍ଚନ୍ତୁ ବୋଲି ମାଆ ତାରାତାରିଣୀଙ୍କ ପାଖରେ କାମନା କରିଥିଲେ |
