ରାୟଗଡ଼ା ଜିଲ୍ଲା କାଶୀପୁର ବ୍ଲକ ଟିକିରି ବନାଞ୍ଚଳ ପକ୍ଷରୁ ଆଜି ଚଢ଼ଉ କରି ବିପୁଳ ପରିମାଣର ସାଇଜ ଏବଂ କାଠପଟ୍ଟା ଜବତ କରାଯାଇଥିବା ଦେଖିବାକୁ ମିଳିଛି । ଆଜି ଅପରାହ୍ନରେ ଟିକିରି ବନାଞ୍ଚଳ ଅଧିକାରୀ ଦିବ୍ୟ ମାଧୁରୀ ସେଠୀ ଙ୍କ ନେତୃତ୍ୱରେ ବନ ବିଭାଗର କର୍ମଚାରୀ ମାନେ । ବିଶେଷ ସୁତ୍ରରୁ ଖବର ପାଇ ସ୍ଥାନୀୟ ଟିକିରି ଭାରତୀୟ ପେଟ୍ରୋଲ ପମ୍ପ ନିକଟରେ ଥିବା ଏକ ଇଟା ଭାଟି ପରିସରର ଏକ ଗୃହରେ ଗଚ୍ଛିତ ଥିବା 205ଖଣ୍ଡ , ପଣସ ,ଜାମୁକୋଳି ର ସାଇଜକାଠ ଜବତ କରାଯାଇଥିବା ଦେଖିବାକୁ ମିଳିଛି । ତେବେ ଯାହାର ଆନୁମାନିକ ମୂଲ୍ୟ 95 ହଜାର 660ଟଙ୍କା ହେବ ବୋଲି ବନାଞ୍ଚଳ ଅଧିକାରୀ ସୁଶ୍ରୀ ସେଠୀ ସୂଚନାଦେଇଛନ୍ତି । ତେବେ ଚଢ଼ଉ ବେଳେ ଘର ମାଲିକ ଏଲ ,ଏନ ସାହୁ ଅନୁପସ୍ଥିତ ଥିବାବେଳେ ସେଠାରେ ଉପସ୍ଥିତ ଥିବା ଜଣେ ବ୍ୟକ୍ତିଙ୍କୁ ଡାକି ଘଟଣା ସମ୍ପର୍କରେ ପଚରା ଉଚରା କରାଯାଉଥିବା ସୁଚନା ମିଳିଛି । ଏହି ଚଢ଼ଉ ବେଳେ ଟିକିରି ସେକ୍ସନ ର ଇନ୍ଚାର୍ଜ ଫରେଷ୍ଟର ଜିତେନ୍ଦ୍ର କୁମାର ମଲ୍ଲ, ଶଙ୍କରଡ଼ା ଫରେଷ୍ଟର ମୀନ କେତନ କୁମାର ସହିତ ଲଳିତା ବିଡ଼ିକା, ପଦନା ନାଗ, ମେନକା ନାଏକ, ଜଗତ ମୋହନ ସାହୁ, ଖଗେଶ୍ୱର ମାଝୀ, ନିରଞ୍ଜନ ସରକା ସହିତ ଅନ୍ୟ ମାନେ ଉପସ୍ଥିତ ଥିଲେ । ଏହି ଚଢାଉ ବେଳେ ଟିକିରି ଥାନା ଏ. ଏସ. ଆଇ ସନ୍ତୋଷ ଶିର୍କା ସହଯୋଗ କରିଥିଲେ ।
