ଆସିକା 21/03-ନିପ୍ର ଗଞ୍ଜାମ ଜିଲ୍ଲା ଆସିକା ରେଞ୍ଜ ଅଧୀନ ଢ଼ଉଗାଁ ଓ ଶରଧାପୁର ଛକ ରୁ ଆଜି ଆସିକା ରେଞ୍ଜର ଆସିକା ଓ ସୋରଡ଼ା ଅବକାରୀ ବିଭାଗ ପକ୍ଷରୁ ଢ଼ଉଗାଁ ଛକଠାରେ ସକାଳ 9.30 ସମୟରେ ଓ ଶରଧା ପୁର ଛକ ଠାରେ ସକାଳ 9.35 ସମୟରେ ପୂର୍ବ ସୂଚନା ମୁତାବକ ଅବକାରୀ ବିଭାଗର ଦୁଇଟି ଟିମ ଜଗିଥିଲେ.ଏତିକି ବେଳେ ଢଉଗାଁ ଛକ ଠାରେ କର୍ଣ୍ଣାଟକ ରାଜ୍ୟର ମାଙ୍ଗାଲୋର ଜିଲ୍ଲାର ହେଵଗୁଡ଼ି ପୋଲିସ ଷ୍ଟେସନ ଅଧୀନ ଅନନ୍ତ ନଗର ବୃଷପୁର ଗେଟ ଗ୍ରାମର ସନ୍ତୋଷ କୁମାର ଇ ବୟସ 33 ନିକଟରୁ ବ୍ୟାଗରୁ 14କିଲୋ ଗଞ୍ଜେଇ ଓ ଶରଧା ପୁର ଛକ ରୁ କନ୍ଧମାଳ ଜିଲ୍ଲାର ସାରଙ୍ଗଗଡ଼ ଥାନା ଅଧୀନ ଭଗ ପଡା ଗ୍ରାମର ଜୁନେସ ଦିଗାଲ ବୟସ 45 ନିକଟରୁ ଗୋଟିଏ ଜରି ବ୍ୟାଗରୁ 8କିଲୋ ଗଞ୍ଜେଇ ଜବତ ସହ ଆସାମୀ କୁ ଅବକାରୀ ବିଭାଗ ଟିମ ଗିରଫ କରିବାରେ ସଫଳ ହୋଇଛନ୍ତି.ଏନେଇ ଆସିକା ରେଞ୍ଜ ପକ୍ଷରୁ ପି ଆର ନମ୍ବର 125/23 ସୋରଡ଼ା ପି ଆର ନମ୍ବର 142/23ପ୍ରକାରେ ମାମଲା ରୁଜୁ କରି ଅତିରିକ୍ତ ଜିଲ୍ଲା ଦୌରା ଜର୍ଜଙ୍କ ନିକଟରେ ହଜାର କରାଯାଇଥିଲା. ଅଭିଯୁକ୍ତ ମାନଙ୍କ ଜାମିନ ନା ମଂଜୁର ହେବାରୁ ଦୁଇ ଅଭିଯୁକ୍ତ କୁ ଆସିକା ସବ ଜେଲ କୁ ପଠାଇଦିଆଯାଇଛି. ଏହି ଚଢ଼ାଉରେ ଆସିକା ଅବକାରୀ ଇନ୍ସପେକ୍ଟର ବାଲକ ବିଶି, ସୋରଡ଼ା ଏସ ଆଇ ରାକେଶ କୁମାର ଖୁଣ୍ଟିଆ, ଏ ଏସ ଆଇ ନୀଳାମ୍ବର ନାୟକ, କନେଷ୍ଟବଳ ଜି.ଭିମା,ମହିଳା କନେଷ୍ଟବଳ ଗାୟତ୍ରୀ ସିଥା ପ୍ରମୁଖ ଥିଲେ.
