ଆସିକା ର ବିଭିନ୍ନ ସ୍ଥାନ ରେ ଶ୍ରୀ ରାମ ନବମୀ ଜନ୍ମ ଜୟନ୍ତୀ ପାଳିତ

ଆସିକା 30/03/23

ଆସିକାର ବିଭିନ୍ନ ରାମ ମନ୍ଦିର ମାନଙ୍କରେ ପ୍ରଭୁ ଶ୍ରୀ ରାମଚନ୍ଦ୍ର ଙ୍କ ଜନ୍ମ ଜୟନ୍ତୀ ଉତ୍ସବ ମହା ସମାରୋହରେ ପାଳନ କରାଯାଉଛି l ଆସିକା ସୁନାମ୍ବ ସାହିରେ ବିଜେ ଶ୍ରୀ ଶ୍ରୀ ରଘୁନାଥ ମନ୍ଦିର ରେ ମର୍ଯ୍ୟାଦା ପୁରୁଷୋତ୍ତମ ଶ୍ରୀ ରାମ ଭଗବାନ ଙ୍କ ଜନ୍ମ ଜୟନ୍ତୀ ରୀତିନୀତି ରେ ସମ୍ପନ୍ନ ହୋଇ ଯାଇଛି l ପ୍ରାତଃ ସମୟ ରୁ ଦ୍ୱାରା ଫିଟା, ଅବକାଶ, ମାଇଲମ,ମଙ୍ଗଳ ଆରତୀ, ବାଳଭୋଗ, ନିତି ପରେ ସ୍ୱତନ୍ତ୍ର ବେଶ ଲାଗି କରାଯାଇଥିଲା l ମଧ୍ୟାହ୍ନ ରେ ପଣ୍ଡିତ ବଦ୍ରି ନାରାୟଣ କର ଶର୍ମା ଙ୍କ ପୌରହିତ୍ୟ ରେ ପୂଜକ ନରସିଂହ ପାଢ଼ୀ, ଚିତ୍ତ ରଞ୍ଜନ ଦାସ, ଋତୁରାଜ ପାଢ଼ୀ ପ୍ରମୁଖ ଙ୍କ ଦ୍ୱାରା ଜନ୍ମ ବିଧାନ, ନମକରଣ, ଅର୍ଣ୍ଣପ୍ରାସନ୍ନ, ଚୂଡ଼ାକାରଣ, ଉପନୟନ, ଆଦି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ତାପରେ ହୋମ ଯଂଜ୍ଞ, ପୂର୍ଣ୍ଣାହୁତି,ଆରତୀ, ପୁଷ୍ପାଞ୍ଜଳି,କାର୍ଯ୍ୟକ୍ରମ କରାଯାଇଥିଲା l ସନ୍ଧ୍ୟା ଆରତୀ ପରେ ଚିନି ଶିଳ୍ପ ନୂଆଗାଁ ଅଂଚଳ ର ନାମ ସଂକ୍ରିତଣ, ପ୍ରସାଦ ସେବନ କରାଯାଇଥିଲା l

ମନ୍ଦିର ପରିଚାଳକ ଜଗନ୍ନାଥ ପାତ୍ରଙ୍କ ତତ୍ତ୍ୱlବଧାନରେ ଦିନ ତମାମ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ସେଭଳି ମୁନିସାହି ରେ ବିଜେ ସାନ ମୁନିସାହିର ଜଗନ୍ନାଥ ମନ୍ଦିର ରେ ମଧ୍ୟ ଅନୁରୂପ ଭାବେ ଶ୍ରୀ ରାମ ଜନ୍ମ ଜନ୍ମ ଜୟନ୍ତୀ ଉତ୍ସବ ପାଳନ ହୋଇଛି l ସେହିଭଳି ଲଛମନ ପଲ୍ଲୀରେ ପଣ୍ଡିତ ହରିହର ପାଢ଼ୀଙ୍କର ନେତୃତ୍ୱରେ ହୋମ ଯଂଜ୍ଞ, ଆରତୀ, ପୁଷ୍ପାଞ୍ଜଳି ଇତ୍ୟାଦି କରାଯାଇଥିଲା l ଗାନ୍ଧୀ ନଗର ହନୁମାନ ମନ୍ଦିର, ଜେଲ ନିକଟସ୍ଥ ହନୁମାନ ମନ୍ଦିର, ପଲ୍ଲୀ ର ରଘୁନାଥ ମନ୍ଦିର ର ମାନଙ୍କ ରେ ଅଧାତ୍ମିକ ପରିବେଶ ରେ ଶ୍ରୀ ରାମ ନବମୀ ଜନ୍ମ ଉତ୍ସବ ପାଳନ କରାଯାଇଛି l