କୋଲନରା ତା ୧୬-୦୩-୨୩ ରାୟପୁରରୁ ବିଶାଖା ପାଟଣା ଅଭିମୁଖେ ଯାଇଥିବା ଦୁଇଟି ଗୋରୁ ବୋଝେଇ ଟ୍ରକ ଯାହା ଛତିଶଗଡ ରାଜ୍ୟ ନମ୍ବର (CG04HX9011,CG15DG9955)କୁ କୋଲନରା ବ୍ଳକ ଅନ୍ତର୍ଗତ ମିଟିସ ଇଞ୍ଜିନିୟରିଂ କଲେଜ ନିକଟରେ ଚାନ୍ଦିଲି ଥାନା ପୋଲିସ ଜବତ କରିଛି । ଡ୍ରାଇଭର ମହାସଂଘର ଆନ୍ଦୋଳନ ଚାଲିଥିବା ବେଳେ ଏହି ଟ୍ରକ କିପରି ୪୨ଟି ମଇଁଷି ଧରି ଯାଉଥିଲା ତାହା ସମସ୍ତଙ୍କୁ ଚକିତ କରିଛି । ଜବତ କରା ଯାଇଥିବା ମଇଁଷି ବୋଝେଇ ଟ୍ରକ ଭିତରୁ ଦୁଇଟି ମଇଁଷି ମୃତାହତ ହୋଇଥିବା ଜଣାପଡିଛି । ଚାନ୍ଦିଲି ଥାନା ଭାର ପ୍ରାପ୍ତ ଅଧିକାରୀ ଶ୍ରୀ ଯଶୋବନ୍ତ ହିଆଲ ଘଟଣା ସ୍ଥଳରେ ପହଞ୍ଚି ମଇଁଷି ବୋଝେଇ ଟ୍ରକ ଦୁଇଟିକୁ ଜବତ କରିବା ସହିତ ମଇଁଷି ଗୁଡ଼ିକୁ ଜବତ କରିଛନ୍ତି । ଚାନ୍ଦିଲି ଥାନା ପକ୍ଷରୁ କେସ ନମ୍ବର ୬୬/୨୩ ଅନୁଯାୟୀ ତଦନ୍ତ କରାଯାଇ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ଥାନା ଅଧିକାରୀ ପ୍ରକାଶ କରିଛନ୍ତି ।ସମସ୍ତ ପ୍ରଶାସନର ଆଖି ଆଢ଼ୁଆଳରେ ଏପରି ଗୋରୁ ଚାଲାଣ ନିଧଡକରେ କରାଯାଉଥିବା ବେଳେ ଏହାକୁ ରୋକିବାରେ ପ୍ରଶାସନ ତତ୍ପରତା ଦେଖେଇବାକୁ ପଶୁପ୍ରେମୀ ତଥା ବୁଦ୍ଧିଜୀବୀ ମାନେ ଦାବି କରିଛନ୍ତି ।
(ରାୟଗଡ଼ା ରୁ ଆଶୁତୋଷ କୁମାର ପଟ୍ଟନାୟକ)
