ପୁରୀ(ସଂଘର୍ଷ tv) : ପୁରୀ ରେଳ ଷ୍ଟେସନରେ ପୁରୀ-ଗୁଣପୁର ପାସେଞ୍ଜର ଟ୍ରେନ୍ର ଶେଷ ବଗିଟି ଲାଇନଚ୍ୟୁତ ହୋଇଛି । ଟ୍ରେନ୍ଟି ଯାତ୍ରୀ ଓହ୍ଲାଇ ପଛକୁ ଫେରୁଥିବା ବେଳେ ଶେଷ ବଗିଟି ଲାଇନଚ୍ୟୁତ ହୋଇଥିବା ଜଣାପଡିଛି । ତେବେ ଟ୍ରେନରେ କେହି ଯାତ୍ରୀ ନଥିବାରୁ ବଡ ଧରଣର ଅଘଟଣ ଟଳିଯାଇଛି ବୋଲି କୁହାଯାଉଛି । ଟ୍ରେନ ୧୫୪୨୪୨ ନଂ ପୁରୀ – ଗୁଣୁପୁର ପାସେଞ୍ଜର ଟ୍ରେନ ଲାଇନଚ୍ୟୁତ ହୋଇଛି। ଷ୍ଟେସନର ୧ ନମ୍ବର ପ୍ଲାଟଫର୍ମରେ ମାଳତୀପାଟପୁରରୁ ପୁରୀ ଆସିବା ବେଳେ ଏହି ଅଘଟଣ ଘଟିଛି । ସଟିଂ କରୁଥିବା ବେଳେ ଦୁଇଟି କୋଚ ଲାଇନଚ୍ୟୁତ ହୋଇଥିଲା। ପୁରୀ – ଗୁଣୁପୁର ପାସେଞ୍ଜର ଟ୍ରେନ ସଟିଂ କରୁଥିବା ଯୋଗୁଁ କୌଣସି ଯାତ୍ରୀ ନଥିଲେ। ଖବର ପାଇ ତୁରନ୍ତ ରେଳ ବିଭାଗର ବରିଷ୍ଠ ଅଧିକାରୀଙ୍କ ସମେତ ମେକାନିକାଲ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ।
