ବ୍ରହ୍ମପୁର , ୨୭/୦୩ - ( ଆରତ କୁମାର ହୋତା ) -:- ମୁଖ୍ୟମନ୍ତ୍ରୀଙ୍କ ନିର୍ବାଚନ ଜିଲ୍ଲା ଗଞ୍ଜାମ ଗସ୍ତରେ ଆସି ଗଞ୍ଜାମ ଜିଲ୍ଲାବାସୀଙ୍କୁ ବିକାଶରଭେଟି ଦେଇଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଏକ ପ୍ରେସ ବିଜ୍ଞପ୍ତିରେ ସାଧୁବାଦ ଦେଇଛନ୍ତି ଖଲ୍ଲିକୋଟ ରାଣୀ ସାହେବା ତଥା ପୂର୍ବତନ ବିଧାୟିକା ଭି.ସୁଜ୍ଞାନ କୁମାରୀ ଦେଓ । କବିସୂର୍ଯ୍ୟନଗର ଠାରେ ଏକ କଲ୍ୟାଣ ମଣ୍ଡପର ମୁଖ୍ୟମନ୍ତ୍ରୀ ଶୁଭ ଉଦ୍ଘାଟନ କରିଛନ୍ତି । ପୂର୍ବରୁ ଏଠାରେ ସ୍କୁଲ ହୋଇଥିଲା । ଏଥିପାଇଁ ରାଜା ସାହେବ ରାମଚନ୍ଦ୍ର ମର୍ଦ୍ଧରାଜ ଦେଓ ଯାଗା ପ୍ରଦାନ କରିଥିଲେ । ସ୍କୁଲ ସ୍ଥାନାନ୍ତର ହେବାପରେ ଏଠାରେ ସ୍ଥାନୀୟ ଲୋକଙ୍କ ହିତ ପାଇଁ କଲ୍ୟାଣ ମଣ୍ଡପ ନିର୍ମାଣ ସକାଶେ ପୂର୍ବତନ ବିଧାୟିକା ରାଣୀ ସାହେବା ଭି.ସୁଜ୍ଞାନ ଦେଓ ଉଦ୍ୟମ କରିଥିଲେ । ଏହି କ୍ରମରେ ଜାଗା ଓ ଏମ୍.ଏଲ.ଏ ପାଣ୍ଠିରୁ ସହାୟତା ମଧ୍ୟ କରିଥିଲେ । ଏଠାରେ କଲ୍ୟାଣ ମଣ୍ଡପ ନିର୍ମାଣ ହୋଇଥିଲା । ଏଥିପାଇଁ ଖଲ୍ଲିକୋଟ ରାଜ ପରିବାର ଓ ଅଞ୍ଚଳବାସୀଙ୍କ ପକ୍ଷରୁ ସେ ଜିଲ୍ଲା ପ୍ରଶାସନକୁ ମଧ୍ୟ ଧନ୍ୟବାଦ୍ ଅର୍ପଣ କରିଛନ୍ତି ।
