ରାୟଗଡ଼ା 5ଟି ସଚିବ ଭି କେ ପାଣ୍ଡିୟାନ୍ ରାୟଗଡା ଗସ୍ତରେ ଆସି ଥିଲେ, ତାଙ୍କୁ ବହୁମୁଖୀ ଇଣ୍ଡୋର ଷ୍ଟାଡିୟମ୍ ରେ ସାକ୍ଷାତ କରି ଜିଲ୍ଲା ଭିନ୍ନକ୍ଷମ ସଭାପତି ରାକେଶ ହିମରିକା, ଭିନ୍ନକ୍ଷମ ଜିଲ୍ଲା ସମ୍ପାଦକ ଭିନ୍ନକ୍ଷମ ଜଳନ୍ଧର ବାଚେଲି ଓ ମହାସଂଘର ସଦସ୍ୟ ମାନେ 5ଟି ସଚିବଙ୍କୁ ୧୨ ଦଫା ଦାବି ପତ୍ର ପ୍ରଦାନ କରିଥିଲେ। ଦାବି ଗୁଡ଼ିକ ହେଲା ପ୍ରଥମରେ ଜିଲ୍ଲା ସ୍ତରରେ ଭିନ୍ନକ୍ଷମମାନଙ୍କ ପାଇଁ ଏକ କାର୍ଯ୍ୟାଳୟ ସ୍ଥାପନ, ଦ୍ଵିତୀୟରେ ଠିକାଦାରୀ କାର୍ଯ୍ୟରେ ୫% ସଂରକ୍ଷଣ, ତୃତୀୟ ରେ ଜିଲ୍ଲାପାଳଙ୍କ କାର୍ଯ୍ୟାଳୟରେ ଏକ ଲିଫ୍ଟ ସ୍ଥାପନ ଚତୁର୍ଥ ରେ ଅନ୍ୟ ଜିଲ୍ଲା ଭଳି ରାୟଗଡାର ଏମ୍ ପି ଓ ଏମ୍ ଏଲ ଏ ଲାତ ଫଣ୍ଡରୁ ସ୍କୁଟର/ଲ - ସ୍କୁଟର ପ୍ରଦାନ, ପଞ୍ଚରେ ମାସିକ ବ୍ଲକ୍ ସ୍ତରୀୟ ଭିନ୍ନକ୍ଷମ ଚିହ୍ନଟିକରଣ,ଷଷ୍ଠ ରେ ସମସ୍ତ ଭିନ୍ନକ୍ଷମଙ୍କୁ ଅଗ୍ରାଧୁକାର ଭିତ୍ତିରେ ଘର ପ୍ରଦାନ ସପ୍ତମରେ ନଗଦ ଆକାରରେ ଭିନ୍ନକ୍ଷମଙ୍କ ଘରେ ଭତ୍ତା ପ୍ରଦାନ, ଅଷ୍ଟମ ରେ ଭିନ୍ନକ୍ଷମ ଶିଶୁଙ୍କୁ ମାଗଣାରେ ଶିକ୍ଷା, ଆର୍ଥିକ ସହଯୋଗ ଓ ସମସ୍ତ ସୁବିଧା ପ୍ରଦାନ, ନବମରେ ପିତା କିମ୍ବା ମାତା ଦୁଇଜଣ କିମ୍ବା ଜଣେ ଦିବ୍ୟାଙ୍ଗ ହୋଇଥିଲେ ତାଙ୍କର ସମସ୍ତ ଶିଶୁମାନଙ୍କୁ ମାଗଣାରେ ଶିକ୍ଷା ଓ ଆର୍ଥିକ ସହଯୋଗ ଓ ସମସ୍ତ ସୁବିଧା ପ୍ରଦାନ, ଦଶମ ରେ ସମସ୍ତ କାର୍ଯ୍ୟାଳୟରେ ରାମ୍ପ ନିର୍ମାଣ,ଏକାଦଶ ରେ ଦିବ୍ୟାଙ୍ଗଙ୍କ ଯନ୍ତ୍ରକାରି ବ୍ୟକ୍ତିଙ୍କୁ ସରକାରୀ ସହାୟତା ପ୍ରଦାନ ଦ୍ବାଦଶ ରେ ଯୋଗ୍ୟତା ଭିତରେ ଓ ନିୟମ ଅନୁଯାୟୀ ଋଣ ପ୍ରଦାନ କରାଯାଉ। ଦେଖାଯାଉ ଆଗାମୀ ଦିନ ରେ ସରକାର ଦିବ୍ୟlଙ୍ଗ ଭାଇ ଓ ଭଉଣୀ ମାନଙ୍କ ଦାବି ପୂରଣ କରୁଛନ୍ତି କି ନାହିଁ। ରାୟଗଡ଼ାରୁ ଆଶୁତୋଷ କୁମାର ପଟ୍ଟନାୟକ
