.
ଗଞ୍ଜାମ (sangharsatv)ଧରାକୋଟ /ଆସ୍କା,29/9/23)ଗଞ୍ଜାମ ଜିଲ୍ଲା ଧରାକୋଟ ଥାନା ଅନ୍ତର୍ଗତ ସରଧାପୁର ପଞ୍ଚାୟତ ର ବରିଗୁଡା ଗ୍ରାମର ଜଣାଶୁଣା ବି ଜେ ଡି ଯୁବନେତା ଅନିଲ ମହାନ୍ତି ଓରଫ କୋକ ଙ୍କୁ ଆଜି ଗ୍ରାମ ସର୍ନିକଟ ଉଖୁଡାପଟା ରାସ୍ତାରେ ସ୍ପଷ୍ଟ ଦିବାଲୋକ ରେ ଦିନ ଦଶ ଘଣ୍ଟା ସମୟରେ ଦୂର୍ବୁତ ମାନେ ଧାରୁଆ ଭୁଜାଲି ଓ ଖଣ୍ଡା ଦ୍ଵାରା ନିର୍ମମ ଭାବରେ ହତ୍ୟା କରିଛନ୍ତି ।ଘଟଣା ସମ୍ପର୍କରେ ମୃତ ଅନିଲ ଙ୍କ ପତ୍ନୀ ମିଲି ମହାନ୍ତି ଧରାକୋଟ ଥାନାରେ ଏତଲା ଦେବାପରେ ଥାନାରେ କେସ ନମ୍ବର 337/23 ପ୍ରକାରେ ମାମଲା ରୁଜୁ ହୋଇଛି । ଘଟଣା ସ୍ଥଳରେ ଆସିକା ଏସ ଡି ପି ଓ ଉମା ଶଙ୍କର ସିଂ,ଧରାକୋଟ ଥାନା ଅଧିକାରୀ ଶ୍ରଦ୍ଧାଞ୍ଜଳୀ ସୁବୁଦ୍ଧି,ପାଟପୁର ଥାନା ଅଧିକାରୀ ସବ୍ୟସାଚୀ ମଲ୍ଲ ପ୍ରମୁଖ ପହଞ୍ଚି ଶବକୁ ଜବତ କରି ବ୍ୟବଛେଦ ପାଇଁ ବ୍ରହ୍ମପୁର ପଠାଇଛନ୍ତି । ମିଳିଥିବା ସୂଚନା ଅନୁଯାୟୀ ବରୀଗୁଡ଼ା ଗ୍ରାମର ବୃନ୍ଦାବନ ମହାନ୍ତି ଙ୍କ ପୁତ୍ର ଅନିଲ ମହାନ୍ତି ଓରଫ କୋକ 38 ବର୍ଷ ବିଜୁ ଜନତା ଦଳର ଜଣେ ଯୁବନେତା ଭାବରେ ଅଞ୍ଚଳରେ ଜଣାଶୁଣା । ଗତ ପଞ୍ଚାୟତ ନିର୍ବାଚନ ସମୟରୁ ଗ୍ରାମର ବିରୋଧୀ ଗୋଷ୍ଠୀ ସହ ଅନିଲଙ୍କର ତିକ୍ତତା ରହିଥିଲା । ଆଜି ସକାଳ ଦଶ ଘଣ୍ଟା ସମୟରେ ଅନିଲ ଓରଫ କୋକ ନିଜର ସ୍କୁଟର ନମ୍ବର 0r O2 bn 2151 ଯୋଗେ ନିଜ ଗାଁ ବରିଗୁଡା ରୁ ନିକଟସ୍ଥ ଉଖୁଡାପଟା ଗ୍ରାମ ନିକଟକୁ ନିର୍ମାଣଧିନ କଲ୍ଭର୍ଟ କାମ ଦେଖିବା ସହ କାଲବାଡ ବନ୍ଧରେ ମାଛ ଜାଆଁଳା ଛାଡ଼ିବା ପାଇଁ ଦେଖିବା କୁ ଯାଇଥିଲେ । ସେଠାରୁ ଫେରିବା ବେଳେ ଏକ ସଂକୀର୍ଣ୍ଣ ରାସ୍ତାରେ ବଗିଚା ଏବଂ ପାଳ ଗଦା କଡ଼ରେ ଲୁଚି ରହିଥିବା କିଛି ଦୁର୍ବୁତ ହଠାତ ଖଣ୍ଡା ଓ ଭୁଜାଲି ଦ୍ବାରା ଅନିଲ ଙ୍କୁ ଅଚାନକ ଆକ୍ରମଣ କରିଥିଲେ । ଅନିଲ ସ୍କୁଟର ରୁ ତଳେ ପଡ଼ିଯିବା ପରେ ସେମାନଙ୍କ ସହ ଧ୍ବସ୍ତା ଧ୍ୱସ୍ତି ହୋଇଥିବା ପାରିପାର୍ଶ୍ବିକ ସ୍ଥିତି ରୁ ଜଣାଯାଇଛି। ଏହାପରେ ସେମାନେ ଅନିଲଙ୍କୁ ଧାରୁଆ ଭୁଜାଲି ସାହାଯ୍ୟରେ ତାଙ୍କ ପେଟ, ତଳି ପେଟ,ଛାତି କୁ ଆଠ ଜାଗାରେ ଭୂଷିବା ସହ ବେକ କୁ କାଟି ଦେବାରୁ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଖବର ପାଇ ସାନଖେମୁଣ୍ଡି ର ପୂର୍ବତନ ବିଧାୟିକା ନନ୍ଦିନୀ ଦେବୀ, ଜିଲ୍ଲା ପରିଷଦ ଅଧ୍ୟକ୍ଷା ଅଞ୍ଜଳି ସ୍ୱାଇଁ,ଧରାକୋଟ ବ୍ଲକ ଅଧ୍ୟକ୍ଷା ସୁଲକ୍ଷଣା ଗୀତାଞ୍ଜଳି ଦେବୀ, ବ୍ଲକ ବି ଜେ ଡି ସଭାପତି ସଞ୍ଜୟ ପାତ୍ର, ସରଧାପୁର ସରପଞ୍ଚ ଦିଲୀପ ଜେନା,ପୂର୍ବତନ ସରପଞ୍ଚ ଦିଲୀପ ସ୍ୱାଇଁ ଙ୍କ ସମେତ ବହୁ ବି ଜେ ଡି ଦଳର ନେତୃବୃନ୍ଦ ଓ ସକ୍ରିୟ କର୍ମୀ ପହଞ୍ଚିଥିଲେ । ଘଟଣା ସମ୍ପର୍କରେ ଥାନା ଅଧିକାରୀ ଶ୍ରଦ୍ଧାଞ୍ଜଳୀ ସୁବୁଦ୍ଧି ଙ୍କ ସହ ଯୋଗାଯୋଗ ବେଳେ ଅନୁସନ୍ଧାନ ଜାରି ରହିଛି ଓ ଖୁବ ଶୀଘ୍ର ଏଥିରେ ସଂପୃକ୍ତ ଆସାମୀ ମାନଙ୍କ ଗିରଫ କରାଯିବ ବୋଲି ପ୍ରକାଶ କରିଛନ୍ତି।ଖବର ଲେଖା ହେବା ପର୍ଯ୍ୟନ୍ତ କାହାରିକୁ ଗିରଫ ବିଷୟ ପୋଲିସ ପକ୍ଷରୁ ସୂଚନା ମିଳିନାହିଁ ଲ
ଆସ୍କା ଋ ମୋନଜ କୁମାର ସାହୁ
