ଢେଙ୍କାନାଳ ଭୁବନ ୧୪।୯: ଖେଳୁଥିବା ସମୟରେ ଘର କାନ୍ଥ ପଡି ତିନି ବର୍ଷ ଶିଶୁର ମୃତ୍ୟୁ ହୋଇଛି । ଢେଙ୍କାନାଳ ଜିଲ୍ଲା ଭୁବନ ଥାନା ଅନ୍ତର୍ଗତ ଗରୁଡବନ୍ଦୀ ଗ୍ରାମରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ।ସୂଚନାଯୋଗ୍ୟ ଯେ, ଢେଙ୍କାନାଳ ଜିଲ୍ଲା ଭୁବନ ଥାନା ଅନ୍ତର୍ଗତ ଗରୁଡବନ୍ଦୀ ଗ୍ରାମର ୨୮ ବର୍ଷ ବୟସ୍କ ପିଣ୍ଟୁ ନାଏକ ୪ ଦିନ ହେବ ଆବାସ ଯୋଜନାରେ ଘରଟିଏ ପାଇଁ କାର୍ଯ୍ୟାଦେଶ ପାଇଥିଲେ ।ଆବାସ ଘର ନିର୍ମାଣ ପାଇଁ ନିଜର ଚାଳ ଛପର ଘର ଭାଙ୍ଗି ଦେଇଥିଲେ । ତେବେ ବୁଧବାର ରାତିରେ ଲଗାଣ ବର୍ଷା ଯୋଗୁଁ ମାଟି କାନ୍ଥକୁ ଭାଙ୍ଗି ନଥିଲେ ।
ବର୍ଷା ବିତ୍ପାତ, ରାତିରେ ଶୋଇଥିବାବେଳେ ଭୁଶୁଡିଲା ଘର କାନ୍ଥ
ତେବେ ଗୁରୁବାର ଅପରାହ୍ନ ୨ଟା ସମୟରେ ତାଙ୍କ ମଝିଆ ପୁଅ ୩ ବର୍ଷ ବୟସ୍କ ନନ୍ଦୁଆ ନାଏକ ଖେଳୁଥିବା ସମୟରେ ବର୍ଷା ଭିଜା ମାଟି କାନ୍ଥଟି ତାଙ୍କ ଉପରେ ପଡିଯାଇଥିଲା । ପରିବାର ଲୋକେ ଘଟଣାସ୍ଥଳରୁ ଶିଶୁପୁତ୍ରକୁ ଉଦ୍ଧାର କରି ଭୁବନ ମେଡିକାଲରେ ଭର୍ତ୍ତି କରାଇଥିଲେ । ସେଠାରେ ଡାକ୍ତର ଶିଶୁଟିକୁ ମୃତ ଘୋଷଣା କରିଥିଲେ । ପରେ ପରିବାର ଲୋକେ ଭୁବନ ଥାନାରେ ଏକ ଲିଖିତ ଅଭିଯୋଗ କରିଥିବା ଜଣାପଡିଛି ।
ଢେଙ୍କାନାଳ ଭୁବନ ରୁ ତାପସଦାସଙ୍କ ରିପୋର୍ଟ ସଂଘର୍ଷ ଟିଭି
