ଆସିକା ବ୍ଲକରେ ପୋଷଣ ମାସ ପାଳନ ଉତ୍ସବ ପାଳିତ

ଆସିକା-ରାଜ୍ୟ ମହିଳା ଓ ଶିଶୁ ବିକାଶ ବିଭାଗ ର ନିର୍ଦ୍ଦେଶ କ୍ରମେ ଜିଲ୍ଲା ପ୍ରଶାସନ ର ସହଯୋଗ ରେ ଆସିକା ବ୍ଲକ ପୁରୁଣା ସମ୍ମିଳନୀ କକ୍ଷ ରେ ପୋଷଣ ମାସ ପାଳନ ଉତ୍ସବ ପାଳିତ ହୋଇଯାଇଛି l ଏହି କାର୍ଯ୍ୟକ୍ରମ ରେ ବ୍ଲକ ଅଧକ୍ଷା ତ୍ରିବେଣୀ ନାହାକ, ତହସିଲଦାର ସଞ୍ଜୟ କୁମାର ସାମନ୍ତରାୟ, ବିଡ଼ିଓ ଫକୀର ଚରଣ ପରିଡା, ସିଡିପିଓ ଭଗ୍ୟାଲତା ପାତ୍ର, ଏବିଇଓ ବିଭୁ ନନ୍ଦନ ପଣ୍ଡା, ପ୍ରମୁଖ ଉପସ୍ଥିତ ରହିଥିଲେ l ଗ୍ରାମଞ୍ଚଳର ଅନେକ ମହିଳା, କିଶୋରୀ, ଶିଶୁ ମାନେ ଅପପୃଷ୍ଟି, ରକ୍ତହୀନତା, ଏବଂ କୁପୋଷଣ ର ସ୍ୱୀକାର ହୋଇଥାନ୍ତି l ଯାଫଳରେ ମାତୃମୃତ୍ୟୁ ଏବଂ ଶିଶୁ ମୃତ୍ୟୁ, ବୃଦ୍ଧି ହେବାର ସମ୍ଭବନା ରହିଥାଏ l ଗର୍ଭବତୀ, ପ୍ରସୂତି, କିଶୋରୀ ମାନଙ୍କୁ ପୌଷ୍ଟିକ ଆହାର,ସବୁଜ ପନିପରିବା, ବାରିବଗିଚା ରୁ ସହଜରେ ଉପଲବ୍ଧ ଶାଗ, ମୁଗ, ବିରି, ମାଣ୍ଡିଆ, ପିଠା, ଏବଂ ଶସ୍ୟ ଜାତୀୟ ଖାଦ୍ୟ କୁ ଆପଣାଇବା କୁ ଗାଁ ସ୍ତରରେ ସଚେତନତା କରାଯାଇଥିଲା l ଆସିକା ସମନ୍ୱିତ ଶିଶୁ ବିକାଶ କାର୍ଯ୍ୟଳୟ ଅଧୀନରେ ଥିବା 11 ଗୋଟି ସେକ୍ଟର ରେ ଏଭଳି ପୋଷଣ ମାହ ପାଳନ କରାଯଇଥିବା ବେଳେ ଆଜି ବ୍ଲକ ରେ ଧୁମ ଧାମ ରେ ପାଳନ କରାଯାଇଛି l ଅନେକ ପୃଷ୍ଟିଯୁକ୍ତ ଖାଦ୍ୟ, ବିଭିନ୍ନ ଶାଗ, ଶସ୍ୟକୁ ନେଇ ଭିନ୍ନ ଭିନ୍ନ ପ୍ରଦର୍ଶନୀ କରାଯାଇଥିଲା l ଶେଷରେ ପୋଷଣଯୁକ୍ତ ଖାଦ୍ୟରେ ତିଆରି ଅତିଥି ମାନଙ୍କ ଦ୍ୱାରା କେକ୍ କଟିଙ୍ଗ କରାଯାଇଥିଲା l ଅତିଥି ମାନଙ୍କ ଦ୍ୱାରା 11 ଗୋଟି ସେକ୍ଟର କୁ ପୁରସ୍କୃତ କରାଯାଇଥିଲା l ଏହି କାର୍ଯ୍ୟକ୍ରମ କୁ ଅଂଚଳପରିଦର୍ଶିକା ଦୀପ୍ତି ଧୋବା, ରଂଯୁକ୍ତା ସ୍ୱାଇଁ, କୁମୁଦିନୀ ପାତ୍ର, ପ୍ରମୁଖ ନେତୃତ୍ୱ ନେଇଥିବା ବେଳେ ମିଶନ ଶକ୍ତି ବ୍ଲକ ସଂଯୋଜକ ଚନ୍ଦ୍ର ଶେଖର ବେହେରା, ପୋଷଣ ବ୍ଲକ ସଂଯୋଜକ ମନୋଜ କୁମାର ଜେନା ସହଯୋଗ କରିଥିଲେ l