ଯୋଡା ପୌରପାଳିକା ୮ନଂ ୱାର୍ଡ ଉପନିର୍ବାଚନ
ପ୍ରଚାର ମୈଦାନରେ ସ୍ୱାଧିନ ବନାମ ବିଜେଡି ପ୍ରାର୍ଥୀ
ଯୋଡା ପୌରପାଳିକା ୮ନଂ ୱାର୍ଡ ର ଉପନିର୍ବାଚନ ନିମନ୍ତେ ଦିନ ଯେତିକି ପାଖେଇ ଆସୁଛି ପ୍ରଚାର ସେତିକି ଜୋରଦାର ହେବାରେ ଲାଗିଛି । ଏହି ୱାର୍ଡ ପାଇଁ କଂଗ୍ରେସ, ବିଜେପି, ବିଜେଡି ତିନୋଟି ପ୍ରାର୍ଥô ଦେଇଥିବା ବେଳେ ସ୍ୱାଧିନ ପ୍ରାର୍ଥୀ ମାନେ ନାମାନଙ୍କ ପତ୍ର ଦାଖଲ କରିଥିବା ଜଣାପଡିଛି । ତେବେ କଂଗ୍ରେସ ଓ ବିଜେପିର ପ୍ରଚାର ଆରମ୍ଭ ହୋଇନଥିବା ବେଳେ ବିଜେଡି ଏବଂ ସ୍ୱାଧିନ ପ୍ରାର୍ଥôର ପ୍ରଚାର ଦିନକୁ ଦିନ ସରଗରମ ହେବାରେ ଲାଗିଛି । ବିଜେଡି ଦଳ ପକ୍ଷରୁ ସୁଭମ ନାଏକ ନିର୍ବାଚନ ମୈଦାନରେ ଓହ୍ଲାଇଥିବା ବେଳେ ତାଙ୍କ ସହିତ ସ୍ୱାଧିନ ପ୍ରାର୍ଥୀ ରଞ୍ଜିତ ନାଏକଙ୍କ ଲଢେଇ ଜୋରଦାର ହେବା ନେଇ ଚର୍ଚ୍ଚା ହେବାରେ ଲାଗିଛି । ଚଳିତ ମାସ ୨୯ ତାରିଖ ନିର୍ବାଚନର ଦିନ ଧାର୍ଯ୍ୟ କରାଯାଇଥିବା ବେଳେ ୨୭ ତାରିଖ ନିର୍ବାଚନ ପ୍ରଚାରର ଅନ୍ତିମ ଦିବସ ରହିଛି । ପୂର୍ବରୁ ଏହି ୱାର୍ଡଟି ବିଜେଡି କବ୍ଚାରେ ରହିଥିବା ବେଳେ ସ୍ୱର୍ଗତ ଜୟରାମ ନାଏକ ଏହି ୱାର୍ଡର କାଉନସିଲର ଭାବେ ନିର୍ବାଚିତ ହୋଇଥିଲେ । ତେବେ କିଛି ମାସ ପୂର୍ବେ ତାଙ୍କର ଅକାଳ ବିୟୋଗ ଘଟିଥିଲା । ଫଳରେ ଏହି ପଦବୀଟି ଦୀର୍ଘ ୬ମାସରୁ ଉର୍ଦ୍ଧ୍ୱ ସମୟ ଧରି ଖାଲି ପଡିଥିଲା । ଚଳିତ ନିର୍ବାଚନରେ ସ୍ୱର୍ଗତ ଜୟରାମଙ୍କ ସାନଭାଇ ଶୁଭମ ନାଏକଙ୍କୁ ବିଜେଡି ଦଳ ପକ୍ଷରୁ ପ୍ରାର୍ଥô କରାଯାଇଥିବା ବେଳେ ସ୍ୱର୍ଗତ ଜୟରାମଙ୍କ ଏକାନ୍ତ ସହଯୋଗୀ ରଞ୍ଜିତ୍ ନାଏକ ସ୍ୱାଧିନ ପ୍ରାର୍ଥô ଭାବେ ନାମାଙ୍କନ ପତ୍ର ଦାଖଲ କରିଛନ୍ତି । ସୁଭମଙ୍କ ପ୍ରଚାରରେ ଯୋଡା ପୌରାଧ୍ୟକ୍ଷ ଡା. ଜଗଦୀଶ ପ୍ରସାଦ ସାହୁ, ଉପାଧ୍ୟକ୍ଷା ସନ୍ଧ୍ୟା ପାତ୍ର, ୪ନଂ ୱାର୍ଡ କାଉନସିଲର ଅବୁଲ ହସନ, ୭ନଂ ୱାର୍ଡ କାଉନସିଲର ବିଶ୍ୱପ୍ରତାପ ବେହେରା, ବିଜେଡି କର୍ମି ବାବୁଆ ବାନା, ସୁଶାନ୍ତ ବାରିକ, ମାନସ ଦାସ, ମାୟା ପାତ୍ର, କାବୁ ଜେନା, ଛାତ୍ର ସଭାପତି ଦୀପଙ୍କର ବିଶ୍ୱାସ ପ୍ରମୁଖ ବିଜେଡି କର୍ମିମାନେ ଜୋରଦାର ପ୍ରଚାରରେ ଲାଗି ପଡିଛନ୍ତି । ସେହିପରି ସ୍ୱାଧିନ ପ୍ରାର୍ଥô ରଞ୍ଜିତ୍ ନାଏକଙ୍କ ସହିତ ୮ନଂ ୱାର୍ଡ ଭୂୟାଁ ବସ୍ତିର ଅନେକ କର୍ମି ସହଯୋଗ କରୁଥିବା ଦେଖିବାକୁ ମିଳିଛି । ତେଣୁ ଉଭୟଙ୍କ ମଧ୍ୟରେ ଆଗାମୀ ନିର୍ବାଚନରେ କଡା ଟକ୍କର ଦେଖିବାକୁ ମିଳିବ ବୋଲି ଆଶା କରାଯାଉଛି ।
