ଟ୍ରେନ୍ଟି ଯାଜପୁର ବୈତରଣୀ ରୋଡ୍ ଷ୍ଟେସନ୍ ଅତିକ୍ରମ କରିବା ପରେ ବୈତରଣୀ ନଦୀ ଉପରେ ହୋଇଥିବା ବ୍ରିଜ୍ ଉପରେ ଦ୍ରୁତ ଗତିରେ ଆଗକୁ ମାଡ଼ି ଚାଲିଥିଲା। ଠିକ୍ ସେହି ସମୟରେ ହୋଇଥିଲା ଏକ ଭୟଙ୍କର ବଜ୍ରପାତ। ଯାହାଫଳରେ ଟ୍ରେନ୍ ଲାଇନ୍ ଓ ଶଙ୍ଖ ଗୁଡ଼ିକ ଜଳି ଯାଇଛି। ଟ୍ରେନ୍ ଇଞ୍ଜିନ୍ର ସମ୍ନା କାଚ ଓ ଅନେକ ବଗିର କାଚ ଫାଟି ଯାଇଥିବା ଦେଖିବାକୁ ମିଳିଛି। ବର୍ତ୍ତମାନ ଟ୍ରେନ୍ରେ ବିଦ୍ୟୁତ୍ ସରବରାହ ବନ୍ଦ ରହିଛି।
କହିବାକୁ ଗଲେ ଏକ ବଡ଼ ଧରଣର ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛି ବନ୍ଦେ ଭାରତ ଏକ୍ସପ୍ରେସ୍। ଟ୍ରେନ୍ ଭିତରେ ଥିବା ଯାତ୍ରୀଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଛି। ଟ୍ରେନ୍ଟି ଅପରାହ୍ନ ପ୍ରାୟ ୪.୩୫ ମିନିଟ୍ରେ ବ୍ରିଜ୍ ଉପରେ ଅଟକି ରହିଛି।ଖବର ପାଇଁ ରେଳ ବିଭାଗର ବରିଷ୍ଠ ଅଧିକାରୀ ଓ ମେଣ୍ଟେନାନ୍ସ ଗାଡ଼ି ଘଟଣା ସ୍ଥଳରେ ପହଞ୍ଚିଛି। ବିଦ୍ୟୁତ ସରବରାହ ସ୍ୱଭାବିକ କରିବା ପାଇଁ ଉଦ୍ୟମ ଚାଲିଛି।
ବର୍ଷା ସାଙ୍ଗକୁ ସନ୍ଧ୍ୟା ହେଉଥିବା ମରାମତି କାର୍ଯ୍ୟରେ ବ୍ୟାଘାତ ହେଉଥିବା ଜଣାପଡ଼ିଛି। ସୂଚନାରୁ ପ୍ରକାଶ, ଆଜି ଅପରାହ୍ନରେ କାଳବୈଶାଖୀରେ ଯାଜପୁର ଜିଲ୍ଲାରେ ପ୍ରବଳ ବର୍ଷା ସାଙ୍ଗକୁ ଘଡ଼ଘଡ଼ି ଓ ବିଜୁଳି ମାରିଥିଲା। ଯାହାଫଳରେ ଗ୍ରାମାଞ୍ଚଳରେ ବଡ଼ବଡ଼ ଗଛ ଭାଙ୍ଗି ରାସ୍ତାରେ ପଡ଼ିଛି। ଅନେକ ଅଞ୍ଚଳରେ ବିଦ୍ୟୁତ ସରବରାହ ବନ୍ଦ ରହିଛି।
Tags:
#sangharsatv
#latestnews
#bandebharat train
