ବାଲୁଗାଁ ମହାବିଦ୍ୟାଳୟ ର ପରିଚାଳନା ପରିଷଦ ମହାବିଦ୍ୟାଳୟ ର ଅଧକ୍ଷା ଙ୍କ ସଫଳତା ର ନିଦର୍ଶନ ସ୍ବରୂପ ଏକ ସମ୍ବର୍ଦ୍ଧନା ଉତ୍ସବ ନବନିର୍ମିତ ସଭା ପ୍ରକୋଷ୍ଠ ରେ ଅନୁଷ୍ଠିତ ହୋଇଥିଲା |ସଭା ପ୍ରାରଂମ୍ଭ ର ପୂର୍ବରୁ ସମାଜସେବୀ ଶ୍ରୀମତୀ ସ୍ଵାଗତିକା ଜଗଦ୍ଦେବ, ମହାବିଦ୍ୟାଳୟ ପରିଚାଳନା ପରିଷଦର ସଭାପତି, ଶ୍ରୀଯୁକ୍ତ ପ୍ରବାସ କୁମାର ସୁନ୍ଦରାୟ, ଅଧକ୍ଷା ବିନତି ମଞ୍ଜରୀ ରାଉତ, ଡ଼& କଳ୍ପନା ଦାସ,ଇଞ୍ଜିନିଅର ଭଞ୍ଜ କିଶୋର ପାଣି ପ୍ରମୁଖ ପରିଚାଳନା ପରିଷଦ ମାର୍ଗ ଦର୍ଶନ ରେ ନିର୍ମିତ ସଭା ଗୃହ ମୁକ୍ତ ମଞ୍ଚ, ଶିକ୍ଷକ - ବାଳକ, ବାଳିକା ମାନଙ୍କ ସାଧାରଣ ପ୍ରକୋଷ୍ଠରେ ସମ୍ପ୍ରସାରଣ ନୂତନ ବିଭାଗ ର ପ୍ରଭୃତି ଭିତ୍ତି ଭୂମିର ବିକାଶ କୁ ଅନୁଷ୍ଠାନିକ ରୂପେ ଉଦଘାଟନ କରିଥିଲେ | ଏହି ସମ୍ବର୍ଦ୍ଧନା ସଭାରେ ମୁଖ୍ୟ ଅତିଥି ରୂପେ ଶ୍ରୀମତି ସ୍ଵାଗତିକା ଜଗଦ୍ଦେବ ଯୋଗ ଦେଇଥିବାବେଳେ ସଭାପତିତ୍ବ କରିଥିଲେ ପରିଚାଳନା ପରିଷଦ ର ସଭାପତି ଇଂ ପ୍ରବାସ କୁମାର ସୁନ୍ଦରାୟ। ମହା ବିଦ୍ୟାଳୟ ର ବ୍ୟାପକ ଉନ୍ନତି ମୂଳକ କାର୍ଯ୍ୟର ସଫଳତା ନିମନ୍ତେ ବକ୍ତା ମାନେ ମାନ୍ୟବର ବିଧାୟକ, ଚିଲିକା ଶ୍ରୀଯୁକ୍ତ ପ୍ରଶାନ୍ତ କୁମାର ଜଗଦ୍ଦେବ ଙ୍କ ସହଯୋଗ ଓ ପରାମର୍ଶ କୁ ଧନ୍ୟବାଦ ଦେବା ସହ ଅଧକ୍ଷ ଙ୍କ ଦୂରଦୃଷ୍ଟି ଓ ମହାବିଦ୍ୟାଳୟ ପ୍ରତି ପ୍ରତିଶୃତିବର୍ଦ୍ଧତା ସମ୍ପର୍କ ରେ ଆଲୋକପାତ କରିଥିଲେ | ମହାବିଦ୍ୟାଳୟ ର ସମସ୍ୟା ସମାଧାନ ଛାତ୍ର ଶୃଙ୍ଖଳା ରକ୍ଷା ଓ ଉନୟନ ମୂଳକ କାର୍ଯ୍ୟ ନିମନ୍ତେ ପରିଚାଳନା ପରିଷଦ ଓ ମୁଖ୍ୟ ଅତିଥି ଅଧକ୍ଷା ବିନତି ମଞ୍ଜରୀ ରାଉତ,ଇଞ୍ଜିନିୟର ଭଞ୍ଜ କିଶୋର ପାଣି ଓ ସମାଜ ସେବୀ ପ୍ରକାଶ ଚନ୍ଦ୍ର ପାଢ଼ୀ ଙ୍କୁ ସମ୍ବର୍ଦ୍ଧିତ କରାଯାଇଥିଲା।
ଏହି ଉତ୍ସବ ରେ ଅଧ୍ୟାପକ ଡଃ କୈଳାସ ଚନ୍ଦ୍ର ମହାରଣା ଓ ଶ୍ରୀ ପ୍ରବୀଣ କୁମାର ଜେନା ବିଭିନ୍ନ ସମସ୍ୟା ଓ ସଫଳତା ସମ୍ପର୍କରେ ବକ୍ତବ୍ୟ ରଖିଥିଲେ। ଏହି ଅବସରରେ ଡଃ କଳ୍ପନା ଦାଶ ଓ ଡଃ ଜୟନ୍ତୀ ସାମଲ ଅଧ୍ୟାପିକା ଇଂରାଜୀ ବିଭାଗ ଉଭୟ ଯଥା କ୍ରମେ ସ୍ବାଗତ ଭାଷଣ ଓ ଧନ୍ୟବାଦ ପ୍ରଦାନ କରିଥିଲେ। ଉକ୍ତ କାର୍ଯ୍ୟକ୍ରମକୁ ସଂଯୋଜନା କରିଥିଲେ ଡଃ ଲକ୍ଷ୍ମୀଧର ସୁବୁଦ୍ଧି .ବାଲୁଗାଁ ରୁ ସଂଗ୍ରାମ ରଣା ଙ୍କ ରେପୋର୍ଟ
