ଯୋଡା,୧୧/୦୮କେନ୍ଦୁଝର ଜିଲ୍ଲା ଯୋଡା ଖଣି ମଣ୍ଡଳ ଅଧିନସ୍ତ ତଥା ବାମେବା ରି ଥାନା ଅନ୍ତର୍ଗତ ସିର।ଜୁଦ୍ଦିନ ଖଣି ନିକଟ ରାସ୍ତାରେ ଗୁରୁବାର ବିଳମ୍ବିତ ରାତିରେ ୬ଜଣ ଦୁର୍ବୃତ୍ତ ଟ୍ରକ୍ ଡ୍ରାଇଭର କୁ ମରଣାନ୍ତକ ଆକ୍ରମଣ କରି ଟଙ୍କା ଓ ମୋବାଇଲ ଲୁଟ୍ କରୁଛନ୍ତି । ଦୁର୍ବୃତ୍ତ ଙ୍କ ମାଡ଼ରେ ଟ୍ରକ୍ ଡ଼୍ରାଇଭର ଗୋପାଲ କୁମାର ଯାଦବ ଗୁରୁତର ଆହତ ହୋଇଛନ୍ତି ।ତାଙ୍କୁ ଚିକିତ୍ସା ପାଇଁ କମାର ଯୋଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରୁ କେନ୍ଦୁଝର ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରାଯାଇଥିବା ଜଣାପଡ଼ିଛି ।ଘଟଣା ସମ୍ପର୍କରେ ମିଳିଥିବା ସୂଚନା ଅନୁଯାୟୀ ଗୁରୁବାର ପ୍ରାୟ ବିଳମ୍ବିତ ରାତି ପ୍ରାୟ ୧୨ଘଟିକା ସମୟରେ କାଳୀ ମାଟି - ବାମେବାରି ରାସ୍ତା ର ବଳଦ। ସ୍ଥିତ ସିରଜୁଦ୍ଦିନ ଖଣି ନିକଟରେ ଯାଦବ ଖଣିଜ ବୋଝେଇ କରି ତାଙ୍କ ଟ୍ରକ୍ କୁ ରାସ୍ତା କଡ଼ରେ ରଖିଥିଲେ।ପ୍ରାୟ ୬ଜଣ ଦୁର୍ବୃତ୍ତ ବିଭିନ୍ନ ମାରଣାସ୍ତ୍ର ଧରି ସେଠାକୁ ଆସି ଟ୍ରକ୍ ର କବାଟ ଖୋଲି ଡ୍ରାଇଭର କୁ ସେଠାରୁ ଉଠାଇ ନେଇ କିଛି ଦୂର ଜଙ୍ଗଲ ଆଡ଼କୁ ନେଇଯାଇଥିଲେ ଓ ଲୁହା ରୋଡ ରେ ପ୍ରବଳ ମାଡ଼ ମାରିବା ସହିତ ଛୁରୀ , ଭୁଜାଲି ରେ ଗୋଡ ହାତ କୁ ହାଣି ପକାଇ ମୂର୍ମୂଷ ଅବସ୍ଥାରେ ତଳେ ପକାଇ ତାଙ୍କ ଠାରୁ ପ୍ରାୟ ଦଶ ହଜାର ରୁ ଉର୍ଦ୍ଧ୍ବ ଟଙ୍କା ଓ ମୋବାଇଲ ଲୁଟ କରି ନେଇ କାଳିମା ଟି ଅଞ୍ଚଳ ଅଭିମୁଖେ ଚାଲିଯାଇଥିବା ଡ୍ରାଇଭର ଗୋପାଲ କହିଛନ୍ତି ।ସେ ସେଠାରୁ ଜୀବନ ବିକଳରେ ଟ୍ରକ୍ ପାଖକୁ ଆସିବା ବେଳେ କିଛି ଡ୍ରାଇଭର ମାନେ ମଧ୍ୟ ପହଞ୍ଚି ତାଙ୍କୁ ଯୋଡା ସ୍ଥିତ ସରକାରୀ ଡାକ୍ତର ଖାନ। ଆଣି ଭର୍ତ୍ତି କରାଇ ଥିଲେ ।ତାଙ୍କର ମୁଣ୍ଡ, ଦୁଇ ହାତ,ଗୋଡ ଓ ପିଠିରେ ଆକ୍ରମଣ କରା ଯାଇଥିବ।ରୁ ଗଭୀର କ୍ଷତ ହୋଇଥିବା ଡାକ୍ତର ଖାନ। ସୂତ୍ରରୁ ଜଣାପଡିଛି । ଏ ନେଇ ବାମେବାରି ଥାନାରେ ପରିବହନ ସଂସ୍ଥା ପକ୍ଷରୁ ଅଭିଯୋଗ କରାଯାଇ ଥିବା ଜଣାପଡିଛି।ତେବେ ଏହି ଖଣି ରାସ୍ତାରେ ବିଶେଷ କରି ବିଳମ୍ବିତ ରାତି ରେ କିଛି ଦୁବୃର୍ତ୍ତ ମାନେ ଟ୍ରକ୍ ଡ଼୍ରାଇଭର ଙ୍କୁ ଟାରଗେଟ୍ କରି ଲୁଟ୍ କରୁଛନ୍ତି ।ଦଳବଦ୍ଧ ହୋଇ ଦୁର୍ବୃତ୍ତ ମାନେ ଏହି ଯୋଜନା କରୁଥିବା ବେଳେ ୫/୬ ଜଣ ଗୋଟିଏ ଦଳ କରି ମୁଖା ପିନ୍ଧି ବିଭିନ୍ନ ଅଞ୍ଚଳରେ ଏହିପରି କାଣ୍ଡ ଭିଆଉଛନ୍ତି । ପ୍ରଥମେ ଟ୍ରକ୍ ର କାଚ କୁ ଢେଲା ପଥର ମାରି ବ।ରୁ ଡ୍ରାଇଭର ମାନେ ଗାଡ଼ି ଛାଡ଼ି ପଳାଇ ଯାଉଛନ୍ତି ।ଏହାର ସୁଯୋଗ ନେଇ ଦୂର୍ବୁର୍ତ ମାନେ ଗାଡ଼ିର ମୂଲ୍ୟବାନ ଯନ୍ତ୍ରାଂଶ,ଡିଜେଲ,ମୋବାଇଲ ଓ ଟଙ୍କା ଚୋରି କରି ନେଉଛନ୍ତି ।କିଛି ଦିନ ପୂର୍ବେ ଖଣ୍ଡବନ୍ଧ ପାର୍କିଂ ଅଞ୍ଚଳରେ ଡ୍ରାଇଭର କୁ ମାଡ଼ ମାରି ଲୁଟ୍ ଘଟଣା ଘଟିଥିଲା ।ଏହି ଘଟଣା ସଂପର୍କରେ ଗଣମାଧ୍ୟମରେ ଖବର ପ୍ରକାଶିତ ହୋଇଥିଲା ।ସେହିପରି ଜୁରୁଡ଼ି କ୍ରେଚ୍ ହଟିଂ, ଅ।ନ୍ତରମାନ୍ତର। ଛକ, ଗୁରୁବେଡ। ଛକ,ବଂ।ଶପାଣି ପ୍ରଭୃତି ଅଞ୍ଚଳରେ ଏହିପରି ଡ୍ରାଇଭର ମାନଙ୍କ ଠାରୁ ଲୁଟ୍ କରିବା ସହିତ ମରଣାନ୍ତକ ଆକ୍ରମଣ କରାଯାଉଛି ।ପ୍ରଶାସନ ପକ୍ଷରୁ ଏଥିପ୍ରତି ଦୃଷ୍ଟି ଦେବା ପାଇଁ ଅଞ୍ଚଳରେ ଦାବି ହୋଇଛି ।
