ଆସିକା ପୋଲିସ ପକ୍ଷରୁ ଲକ୍ଷାଧିକ ଟଙ୍କାର ବାଣ ତିଆରି ସାମଗ୍ରୀ ଜବତ,03 ଗାଡି ସହ 04 ଜଣ ଗିରଫ ।
ଆସିକା /ତାରିଖ :-31/08/23(ମନୋଜ କୁମାର ସାହୁ)ଆସିକା ପୋଲିସ ପକ୍ଷରୁ ନୂଆଗାଁ ଛକ ଠାରେ ଅପରାହ୍ନ ସମୟରେ କଟକ ରୁ ନଳବଣ୍ଟା ଗ୍ରାମକୁ ବାଣ ତିଆରି ପାଇଁ ଆସୁଥିବା ଲକ୍ଷାଧିକ ଟଙ୍କାର ବାଣ ସାମଗ୍ରୀ ଜିନିଷ ଜବତ କରିଛି l ଆଗାମୀ ଦୀପାବଳି ନିମନ୍ତେ ବାଣ ପ୍ରସ୍ତୁତ ଗନ୍ଧକ, ସୋଡ଼ାଖାର, ଅଙ୍ଗାର ଗୁଣ୍ଡ ଜବତ କରାଯାଇଛି l ପୋଲିସ ଵ୍ୟବହୃତ OD 32D 3832 ଏବଂ OR 05 AD 2418 ନମ୍ବର 02 ଗାଡି କୁ ଜବତ କରିଛି I ଏଥି ସହିତ ଏକ ମୋଟର ସାଇକେଲ କୁ ଜବତ ସହ କଟକ ଜିଲ୍ଲା ଆଠଗଡ ଥାନା ବୀର କିଶୋର ପୁର ଗ୍ରାମ ର ଜ୍ଞାନ ରଞ୍ଜନ ସେଠୀ, ଏବଂ କଟକ ଜିଲ୍ଲା ତିଗିରିଆ ଥାନା ପାଇକର ଗ୍ରାମର ହୃଦୟାନନ୍ଦ ନାଏକ ଦୁଇ ଜଣ ଏବଂ ଆସିକା ଥାନା କେ ନୂଆଗାଁ ର ରାଘବ ଚନ୍ଦ୍ର ପାତ୍ର, ଏବଂ ନଳବଣ୍ଟା ଗ୍ରାମର ବୁଧିରାମ ସେଠୀ କୁ ଗିରଫ କରିଛି, ଆସିକା ପୋଲିସ l ଜବତ ବାଣ ତିଆରି ସାମଗ୍ରୀ ର ମୂଲ୍ୟ ଆନୁମାନିକ ଲକ୍ଷାଧିକ ଟଙ୍କା ହେବ ବୋଲି ପୋଲିସ ପକ୍ଷରୁ ସୂଚନା ଦେଇଛନ୍ତି I ବିଶେଷ ସୂତ୍ରରୁ ଖବର ପାଇ ଥନା ଅଧିକାରୀ ସ୍ୱରୂପ କିଷାନ ଙ୍କ ନେତୃତ୍ୱ ରେ ଅଜିତ ପରିଡା, ଜ୍ଞାନ ସେଠୀ, ପ୍ରମୁଖ ଚଢ଼ାଓ ରେ ସାମିଲ ଥିଲେ I ଜବତ ବାଣ ସାମଗ୍ରୀ କୁ ଛତ୍ରପୁର ରୁ ବୋମା ନିଷ୍କ୍ରିୟକାରୀ ଦଳ ର ପ୍ରକାଶ ଚନ୍ଦ୍ର ପାତ୍ର ଙ୍କ ନେତୃତ୍ୱ ରେ ଝଗଡାଇ ପାହଡ଼ ପାଦ ଦେଶ ରେ ନଷ୍ଟ କରାଯାଇଛି l ଆସିକା ଥାନା କେସ ନମ୍ବର 524/23 ରେ ମାମଲା ରୁଜୁ କରି 04 ଜଣକୁ ଗିରଫ କରି କୋର୍ଟ ଚାଳନ କରିଥିଲେ l ଜାମିନ ନାମଞ୍ଜୁର ହେବା ପରେ ସମସ୍ତ ଙ୍କୁ ଆସିକା ସବ ଜେଲ କୁ ପଠାଇ ଦିଆଯାଇଛି l
