ବ୍ରହ୍ମପୁର,୨୫/୦୯ - ( ଆରତ କୁମାର ହୋତା ) -:- ପାର୍ବଣ ଋତୁ ଆସିବା ପୂର୍ବରୁ ଜୁଆଡିମାନେ ଜୁଆ ଆଡ୍ଡା ଚିଂହ୍ନଟ କରି ଖେଳ ଆରମ୍ଭ କରନ୍ତି । ପୁଲିସ ଖବର ପାଇ ଜୁଆ ଆଡ୍ଡା ଚଢ଼ାଉ କଲେ ଜୁଆଡ଼ିମାନେ ଆଡ୍ଡା ବଦଳାଇ ଅନ୍ୟ ଏକ ସ୍ଥାନରେ ଖେଳ ପକାନ୍ତି । ଯାହା ଫଳରେ ଏଠାରେ ମାସ ମାସ ଧରି ଜୁଆ ଖେଳନ୍ତି । ବ୍ରହ୍ମପୁର ସହର ଏବଂ ଏହାର ଉପକଣ୍ଠ ଅଞ୍ଚଳରେ ବଡ଼ ବଡ଼ ଜୁଆ ଆଡ୍ଡା ଚାଲୁଥିବା ପୂବରୁ ନଜର ରହିଛି । ଗତକାଲି ବିଳମ୍ବିତ ରାତିରେ ବୈଦ୍ୟନାଥପୁର ଥାନା ଅନ୍ତର୍ଗତ ବୈକୁଣ୍ଠନଗର ୨ୟ ଲାଇନରେ ଚାଲିଥିବା ଜୁଆ ଆଡ୍ଡା ଉପରେ ପୁଲିସ ଚଢ଼ଉ କରି ୬ଜଣ ଜୁଆଡିଙ୍କୁ ଗିରଫ କରିଛି । ଏହା ସହ ନଗଦ ୧ଲକ୍ଷ ୧୭ହଜାର ୯୫ ଟଙ୍କା, ୩ଟି ମୋବାଇଲ୍ ଫୋନ୍, ୨ଟି ବାଇକ ଜବତ କରିଛି ।ଆଗକୁ ପାର୍ବଣ ଋତୁ ରହିଛି । ଏ ନେଇ ପୁଲିସ ମଧ୍ୟ ପ୍ରସ୍ତୁତି ରହିଛି । ଖବର ପାଇଲା ମାତ୍ରେ ହିଁ ଚଢାଉ କରାଯିବ ବୋଲି ବ୍ରହ୍ମପୁର ଏସପି ଡ଼ା ସର୍ବଣା ବିବେକ ଏମ କହିଛନ୍ତି ।
