ଆସିକା ବିଧାନସଭା ନିର୍ବାଚନ ମଣ୍ଡଳୀରେ ପୂର୍ବତନ ବିଧାୟକ ସରୋଜ ପାଢ଼ୀଙ୍କ ମାରାଥନ ବୈଠକ
ଆସିକା 03/09/23(ମନୋଜ କୁମାର ସାହୁ)ଆସିକା ଅଂଚଳ ର ଜଣାଶୁଣା 2004 ର ପୂର୍ବତନ ବିଧାୟକ ସରୋଜ ଭାଇନା ଙ୍କ ବିଭିନ୍ନ ପଂଚାୟତ ରେ ମାରାଥନ ବୈଠକ ରାଜ୍ୟ ରାଜନୀତି ରେ ଚହଳ ପକାଇଛନ୍ତି l ପୂର୍ବତନ ବିଧାୟକ ସରୋଜ ଭାଇନା ଗତ କିଛିମାସ ହେଲା ଗାଙ୍ଗପୁର ପଂଚାୟତ ର ସାହସପୁର, ବାଲିଛାଇ ପଂଚାୟତ ର ରିଷିପୁର, ଜୟପୁର ପଂଚାୟତ ର ପଢାଳ ଗ୍ରାମ ମାନଙ୍କର ଶୁଭେଛୁ, ସମର୍ଥକ ଗହଣ ରେ ସଭା ସମିତି କରି ନିର୍ବାଚନ ଲଢ଼ିବା କୁ ଲୋକ ସମର୍ଥନ ରେ ଲାଗିପଡିଛନ୍ତି l ଶାସକ ବିଜୁ ଜନତା ଦଳ, ଭାରତୀୟ ଜନତା ପାର୍ଟି ସହ ଟକର ଦେଇ ସ୍ୱାଧୀନ ଭାବେ ଆସିକା ନିର୍ବାଚନ ମଣ୍ଡଳୀ ରୁ ନିର୍ବାଚନ ମଇଦାନ କୁ ଓଲ୍ଲାଇବେ କି ନାହିଁ ତାହା ସ୍ୱଷ୍ଠ ହୋଇନଥିଲେ ମଧ୍ୟ, ଏଭଳି ପ୍ରଚାର ଆଗାମୀ ନିର୍ବାଚନ ପାଇଁ ପ୍ରାକ ଆଭାସ ମିଳୁଛି l ଗତ 2004 ର ଆସିକା ଅଂଚଳ ର ଟାଣୁଆ ନେତା ରୂପେ ପରିଚୟ ସୃଷ୍ଟି କରିଥିବା ସରୋଜ ଭାଇନା ଏବେ ପୁଣି ସକ୍ରିୟ ରାଜନୀତି କୁ ଆସିବା ବିରୋଧି ପାଇଁ ସତର୍କ ଘଣ୍ଟି ଶୁଣାଇ ଦେଇଛନ୍ତି l ଗ୍ରାମର ପ୍ରଦୀପ ଭଞ୍ଜ, ଭିକାରି ମହାପାତ୍ର, ସଞ୍ଜୟ ରାଉତ, ପ୍ରକାଶ ସ୍ୱାଇଁ, ଯଂଜ୍ଞ ନାରାୟଣ ପଟ୍ଟନାୟକ, ବିପ୍ର ଚରଣ ବେହେରା, ସୂର୍ଯ୍ୟ ବେହେରା, ପ୍ରମୁଖ ବ୍ୟକ୍ତି ବିଶେଷ ନେତୃତ୍ୱ ନେଉଥିବା ବେଳେ ତାଙ୍କର ଦୁଇ ପୁଅ ମଧ୍ୟ ସଂଗୀତ ପାଢ଼ୀ, ସନ୍ଦୀପ ପାଢ଼ୀ, ବିଜୟ ସ୍ୱାଇଁ ପ୍ରମୁଖ ସହଯୋଗ କରୁଛନ୍ତି l ଆଗାମୀ 2024 ନିର୍ବାଚନ ରେ
ସେ କେଉଁ ଦଳରୁ ପ୍ରାର୍ଥୀ ହେବେ ବର୍ତମାନ ସ୍ପଷ୍ଟ କରିନଥିବା ଜଣାପଡିଛି l
