ଗୋପାଳପୁର , ୧୧/୧୦ -:- ବୁଧବାର ଦିନ ସକାଳ ୧୧:୩୦ ମିନିଟ ସମୟରେ ଗଞ୍ଜାମ ଜିଲ୍ଲା ବତାଗଡ଼ ଗ୍ରାମ ମୁଖ୍ୟ ରାସ୍ତାରେ ଏକ ମୋଟର ସାଇକେଲ ଦୃଘଟଣା ଗ୍ରସ୍ତ ହୋଇଛି ଯାହାଫଳରେ ମୋଟର ସାଇକେଲ ଚାଳକ ଗୁରୁତର ହୋଇଥିବା ସୂଚନା ମିଳିଛି । ଗୁରୁତର ମୋଟର ସାଇକେଲ ଚାଳକ ଜଣଙ୍କ ହେଲେ ମେଗମା ସିରିଙ୍ଗ ବୟସ ୪୯ ବର୍ଷ ତାଙ୍କ ଘର ମହେନ୍ଦ୍ରଗଡ଼ ଗ୍ରାମ ବୋଲି ସୂଚନା ମିଳିଛି । ତେବେ ସୂଚନା ଅନୁସାରେ ମେଗମା ସିରିଙ୍ଗ ବ୍ୟବସାୟ କରିବା ପାଇଁ ନିଜ ମୋଟର ସାଇକେଲ ଯୋଗେ କେଉଁ ଆଡ଼େ ଯାଉଥିଲେ ହେଲେ ବତାଗଡ ଗ୍ରାମ ମୁଖ୍ୟ ରାସ୍ତାରେ ମେଗମା ସିରିଙ୍ଗ ଙ୍କ ଆଖି ପଡିଯିବାରୁ ମୋଟର ସାଇକେଲ ଟି ଭାରସାମ୍ୟ ହରାଇ ଦୃଘଟଣା ଗ୍ରସ୍ତ ହୋଇଥିଲା ଯାହାଫଳରେ ମୋଟର ସାଇକେଲ ଚାଳକ ମେଗମା ସିରିଙ୍ଗ ଗୁରୁତର ହୋଇଥିଲେ । ତେବେ ଘଟଣାରେ ତାଙ୍କ ବାମ ହାତଟି ଭାଙ୍ଗିଯାଇଥିବା ସୂଚନା ମିଳିଛି । ତେବେ ଘଟଣା ସ୍ଥଳରେ ସ୍ଥାନୀୟ ଲୋକେ ପହଞ୍ଚି ଗୁରୁତର ଙ୍କୁ ଉଦ୍ଧାର କରି ସଙ୍ଗେ ସଙ୍ଗେ ୧୦୮ ଆମ୍ବୁଲାନ୍ସ କୁ ଖବର ଦେଇଥିଲେ ଖବର ପାଇ ୧୦୮ ଆମ୍ବୁଲାନ୍ସ ଘଟଣା ସ୍ଥଳରେ ପହଞ୍ଚି ଗୁରୁତର ଙ୍କୁ ଉଦ୍ଧାର କରି ଦିଗପହଣ୍ଡି ଗୋଷ୍ଟି ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରିଥିଲେ ହେଲେ ସେଠାରେ ତାଙ୍କ ପ୍ରାଥମିକ ଚିକିତ୍ସା ପରେ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ବ୍ରହ୍ମପୁର ବଡ଼ ମେଡିକାଲ୍ କୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି ।
