ଆସିକା ବ୍ଲକ ଉଦ୍ୟାନ କୃଷି କର୍ମଶାଳା ଅନୁଷ୍ଠିତ
ଆସିକା ବ୍ଲକ ଉଦ୍ୟାନ କୃଷିକର୍ମଶାଳା ଆସିକା ବ୍ଲକ ଗୁଣ୍ଠପଡା କଲ୍ୟାଣୀ ମଣ୍ଡପ ଠାରେ ଅନୁଷ୍ଠିତ ହୋଇଯାଇଛି l ଆସିକା ବ୍ଲକ ସହକାରୀ ଉଦ୍ୟାନ ବିଭାଗ ଅଧିକାରୀ ଗୀତାଞ୍ଜଳି ସାହୁଙ୍କ ପରିଚାଳନା କରିଥିଲା ବେଳେ ଆସିକା ବ୍ଲକ ଆତ୍ମା ସଭାପତି ରାଜେଶ କୁମାର ପଟ୍ଟନାୟକଙ୍କ ସଭାପତିତ୍ୱ ରେ ଏହି କର୍ମଶାଳା ଅନୁଷ୍ଠିତ ହୋଇଥିଲା l ଏହି କର୍ମଶାଳା କୁ ମୁଖ୍ୟ ଅତିଥି ଭାବେ ଉପଖଣ୍ଡ ସହକାରୀ ଉଦ୍ୟାନ କୃଷି ନିର୍ଦେଶକ ଏସ. ରାମା ରାଓ ପ୍ରଦୀପ ପ୍ରଜ୍ବଳନ କରି କର୍ମଶାଳା ଆରମ୍ଭ କରିଥିଲା ବେଳେ ଅନ୍ୟ ଅତିଥି ମାନଙ୍କ ମଧ୍ୟରେ ଗୁଣ୍ଠପଡା ସରପଞ୍ଚ ଶୈଳବାଳା ଦଳେଇ , ସମିତି ସଭ୍ୟ ନାରାୟଣ ସ୍ୱାଇଁ , ଆସିକା ବ୍ଲକ କୃଷି ଅଧିକାରୀ ବାସୁଦେବ ସାହୁ,ଶେରଗଡ଼ ବ୍ଲକ ସହକାରୀ ଉଦ୍ୟାନ ବିଭାଗ ଅଧିକାରୀ ଅଳକା ବିଶ୍ଵାଳ, ଧରାକୋଟ ବ୍ଲକ ସହକାରୀ ଉଦ୍ୟାନ ବିଭାଗ ଅଧିକାରୀ ଶ୍ରୀକାନ୍ତ ସେଠୀ, ବେଲଗୁଣ୍ଠା ବ୍ଲକ ସହକାରୀ ଉଦ୍ୟାନ ବିଭାଗ ଅଧିକାରୀ ଅଙ୍କିତା ମିଶ୍ର, ଆସିକା ବ୍ଲକ ଓ ଏଲ ଏମ ଅଙ୍କିତା ମହାରଣା ପ୍ରମୁଖ ଉପସ୍ଥିତ ରହି ଏହି କର୍ମଶାଳା ରେ ଉପସ୍ଥିତ ଚାଷୀ ମାନଙ୍କୁ ରାଜ୍ୟ ସରକାର ଓ କେନ୍ଦ୍ର ସରକାର ଙ୍କ ବିଭିନ୍ନ ଯୋଜନା ଉପରେ ତାଲିମ ଦେଇଥିଲେ l ଏହି କର୍ମଶାଳା ରେ ଆସିକା ବ୍ଲକର ଗୁଣ୍ଠପଡା, ଚଢିୟାପଲ୍ଲୀ, ବାଲିଶିରା, ବାଲିଛାଇ, ମଙ୍ଗଳପୁର ପଞ୍ଚାୟତର ପ୍ରାୟ 170 ଜଣ ଚାଷୀ ଉପସ୍ଥିତ ରହି ଜଳବାୟୁ ପରିବର୍ତ୍ତନ ରେ କିପରି ଓ କେଉଁ ପ୍ରକାର ଫସଲ ଚାଷ କରାଯାଇପାରିବ, ରବିଫସଲ, ଛତୁ ଚାଷ, ଫୁଲ ଚାଷ, ଜିଆଖତ ପ୍ରସ୍ତୁତ,ଲେମ୍ବୁ ଚାଷ ଏହିପରି ଅନେକ ଚାଷ ଉପରେ ତାଲିମ ପ୍ରଦାନ କରିଥିଲେ l
